السـلام عليـكم ورحمـة الله وبركـآته
.::.
على نفس المكان اللي جمعنا جيـت لـه مرتـاب
أسولف : هـو تناسانـي أو إنّـه ماتناسانـي ؟
نفضت غبار ذكرانا وطار مـن الحمـام أسـراب
وذكرت الدمعتيـن اللـي ذرفهـن يـوم لاقانـي
سنـه .. فيهـا تعانقنـا وغنّـا للغـرام أحبـاب
سنه .. فيها تفارقنـا وعـاف الطـرس قيفانـي
منعت القلـب كـم مـرّه ولكـن الهـوى غـلّاب
يسوق خْطاي لـدروبـه إليـن الـدرب عنّانـي
تنصّفت الطريق اللي يـودي لـه شريعـة غـاب
ألا ليـت الطريـق اللـي خذانـي عنـه ودّانـي
وصلت !! ولا لقيت إلاّ المكان ووحشة الأغـراب
وبقايا عطـره وحزمـة مواجـع والأمـل فانـي
غيابه سيف أبو ليلى على صدري وشلفـا ذيـاب
وخفوقي فرسة الفرقـا وصـدّه سربـة أحزانـي
هنا .. بس إقتنعت إن المفارق يربـك الأعصـاب
مثـل ماتربـك حروفـه إذا ينطـق بـه لسانـي
هنا .. بس إقتنعت إن الفرح في حسبة الأجنـاب
هنا .. بس إقتنعت إن الهمـوم بحسبـة إخوانـي
طموحي مصافح يْدينه وشرَهت بكلمتيـن عْتـاب
قبل ما حرّضه طيشـه علـى صـدّي ونسيانـي
كتبت !! وداخلي شوقِ يردّد يـا أولـى الألبـاب
بعد ما رد لـه بـوح القصيـد ولبّـت أوزانـي
ينادي فـبحّة أشـواق القصيـد وينـده الغيّـاب
وسمعت أصدائه بـصدري أثاري الشوق نادانـي
وصار عيون قرّائي وأحـس إن الشعـور كتـاب
على بيض الورق يرسم بقايـا طعـون حرمانـي
دعيت الله يغفر له إذا هـو عـن ذنوبـه تـاب
مدام إن قلبـي المجنـي وهـو القاتـل الجانـي
وقفت ... وطاحت دموعي وعطّرت الضمير وطاب
بـدال الدمعتيـن اللـي ذرفهـن يـوم لاقـانـي
زهره عمرى 
الثلاثاء سبتمبر 20, 2011 10:34 pm