{..\\ .. الــوقت مآبهـ عيـب والـ ج ــرح مكـتوب ..!!

.
.
ينز عطر السالفه من طرف ثوب
..................والبس على جرح انتظارين جلباب


الوقت مابه عيب والجرح مكتوب
..................وعادي تناغي فرحتي بطرْف مخلاب


ما كان فيني غير هذا الوفا عْيوب
..................وما كان منك غير هـالـ (آآآه) والناب


وش غيّرك؟!ما كنت غالي وحبوب؟!
..................خلاص..فات العذر واتقفل الباب


ما جيت؟!!.قال الوعد: يا صاحبي توب
..................ونسيت اقول: ابغيبتك جوني اغراب


جوني وصار الفرح في الروح مسكوب
..................ومن غير ما اسمع منهم عذر واسباب


ما احتاجوا لعشرة عمر..بس يا دوب!!
..................شفت ابتسامتهم وشفت الحزن غاب


واتغيّرت دنياي وارجعت محبوب
..................وكل جرح بداخلي لجلهم طاب


ما عاد قلبي لي انطرى اسمك يذوب
..................والدمع حاول...بس ما حصل ابواب

وجف دمع السالفه وانرمى الثوب
..................وما عاد يوسع للسكاكين جلباب



منـقول