أنا من الناس اللى بتعشق حاجة اسمها كنتاكى وخصوصا وجبى الدينر بوكس سبايسى ويكون لحم اححمر
بعشقه لدرجة الجنون لدرجة انى اكلتها مرة فطار وغدا وعشا
المهم رحت مع خطيبى كنتاكى قلتله انا هطلب دينر بوكس سبايسى لحم أحمر قلى اطلبيلى زيك بس بلاش سبايسى المهم انا معرفش شكل كنتاكى العادى من السبايسى ايه المهم واقفين بناخد الطلب واذ فجأة ييجى واحد مقرمش بتتبيلة كنتاكى التحفة والتانى شكله زى الفراخ اللى بنعملها فى البيت وانا مش عارفة الفرق بين الاتنين من فيهم العادى ومين فيهم سبايسى مع العلم انى بموت فى القرمشة اللى على القطعة من برة ومكنتش عارفة انها بتكون بس فى القطع السبايسى المهم انا مش عارفة اعمل ايه وانا خايفة انه ياخد المقرمش وانا عايزة المقرمش سواء كان سبايسى او عادى..
وبدل ما اكون خجولة وكعادتى كان همى على بطنى ومعدتى قمت قلتله بلا خجل .. اعمل حسابن انا هاخد المقرمش سواء كان عادى او سبايسى.. قلى هريحك أسأل لانه هو كمان مش عارف لانه عايش بالسعودية ومش بياكل هناك كنتاكى بياكلو البيك فلما سأل الانسة اللى كانت معانا قلها انهى فيهم العادى وانهى السبايسى قالتله المقرمش هو اللى بيكون سبايسى عشان التتبيلة قمت بصوت عالى قلت الحمد لله لدرجة خلت الانسة وخطيبى يضحكو عليا ..
وقلى طب قدام خطيبك اعملى اى منظر لازم تفضحى نفسك قلتله انا اعمل اى منظر فى اى موقف الا قدااااااااام كنتاكى لا مجاااااال للمناظر ..
زهره عمرى 
الخميس يوليو 29, 2010 5:11 am
