العزوبية يا محلاها من حياة

سلاااااااام



أسعد الله صباحكم بكل خير ..
<< يعني اللي يجي بالليل ماله تحيه





<<< اخذ نفس


كيف حالكم عساكم بخير اشتقتلكم
<< ياشيخ تراك لاصق 24 ساعه في الواجهه هع



اليوم عندي سالفه مهمه جداً جداً جداً جداً جداً جداً جداً جداً جداً جداً جداً جداً جداً جداً جداً جداً
<< امسكوه لا يخرب ابو الموضوع



اقول طسووو لا ينهد حيلكم علي وعلى فرحتكم بشوقي لكم هههههههه



المهم ياغوالي بسردلكم السالفه من غير مقدمااات ..


كنت
اليوم خارج من الطازج ومعي اخوي الصغنوون وقابلتني بنت شاقه الطريق ومن
شافتني قااالت وه ادوووخ انا .. وانا عاد من زود الغرور ماعطيتها اهتمام
وقلت لأخوي وش تقول .؟ << يقاله يصرف الموضوع ولا كأنه شاف شي



7
7
7


السالفه اللي فوق تسذب بتسذب ..



والسالفه
الحقيقيه ياطويلين العمر طلعت من الطازج وزي منتم خابرين تمساح سعودي من
شفت عبايه سوده تنحت عندها وصرفت اخوي قلت روح للسياره هالحين جايك ..
وسنترت عندها وقلت هاتي اشتريلك اللي تبين بعدين طقيت سرا وطابور وخلصت
وجيت عندها معي البروست .. ومديته لها ..


ويضحك لي هذاك الوحش ابوشنب مستردفا القول: سكرا صديق


طلع باكستاني ينتظر دوره ومتلطم وكان لابس اسود في أسود
<< كذا نظرتكم يالشباب مخفّات يمكن لو شفت ضلّك رقمتـه




المهم


باليوم اللي بعده .. جيت للبيت راجعن من مباراه بالحاره وكلي رضوض واماكن عضات العيال بوجهي ..


طلعت
للغرفه وأمشي على الدرج كني اطلع رجليني مـن خلطـت سمنـت .. والله وادخل
الغرفه وانبطح فوق السرير وافكر وافكر بحالي وحال حياتي وشلون صاير ولأي
مدى صار يميل للانحراف والضيااع .. فقررت اني انهي هاللي يصير بتفكير
انسان واعي .. يعني على الاقل اصحى يوم وانا مقابل وجيه سنعه موب اصحى
والاقي عبادي يلحس اذني




الزبده اني قررت اتزوج


والله
واقعد اشاور رفيق دربي عبادي النذل .. واول ماقلت له بتزوج قعد يضحك ويقول
: ههههه بتتزوج .. تهئ .. طيب ياخي بتتركني ؟ .. زين شسمه ذا .. يعني
لاتزوجت يعني معد فيه منتديآت ؟؟ ويقعد يصيح ..!


وبعد محاولات إقناع عبادي النكبه إن الزواج هي فترة احتراف السحليه .. ثم اذا ماعجبتني طلقتها ..


فقمت ولبست شماغـي وجنـز طيحنـي ورحت لبيت جيرانا واطردوني يقولون مانزوج خكر ..
<< صدق وقصم هذول الخكر مايلبسون ثياب الا اذا راح يجدد بطاقة الاحوال هههههههه







مالكم بالطويله




والله
وارووح لأمي واقولها يوووووومااااااااااااااااا اااه ابي اعرس .. ابي
اتزوج ابي اكون أسره ابي افتك من الدشير ابي احس بإحساس الابوه ودي اكفخ
ولدي واصحيه من عز نوومه وارسله يجيبلي فطووووووووووور


وكأني سمعت الشغاله تقول.. الهمدوو لله كلاس مافيـه رووهي كووي روهي قسيل توب تئالي بالليل غرفه انا عشان سوي نظافه


ويطلع أخوي مـن الغرفـه وهو يستعرض ويقول خلاص أبي اخذ لابتوبه هالنذل .. وأبوي يتمتم ويقول اخيرا أبي القى صرف في المحفظه
<< يصرق أبوه الغبي ..


وأخوي
الكبير كان رافض الفكره معللا : طيب من يجيب لنا فطور الصباح ؟ .. سواق
عند أبوك انا .. مـن هالمنبر اقول لك يا أخي التسبير .. فارق لا ألعن
خيّرك ..
أطلـع مـن مخّـي .. طفشت ياخي .. معد تناديني الا ( واحد بيض من البوفيه )


أخوي شخص استغلالي ..


مرّه أشتريت له فطور يوم جيت لقيته حاط ورقه على الريموت مكتوب فيها ( الفطور ترآه لك وآنآ طآلع .. بس حبيت أفطّرك ) ..

7
7
7
7
7
( المقدمة )

* الموضوع *

الخطبه الاولى:

مرتبش .. وعبادي يزبط لي شماغي وانا كل ثانيه اناظر المرايه وأرد له وأقول : هااااه كويسه السكسوكه يولد ولا لأ ؟

طلعت من البيت وركبت السياره وأطب عندهم
وبكل شموخ جالس ولا اقدر التفت اخاف تخرب حركة الشماغ وأبو البنت جالس جنبي ويسولف معي ..


المهم .. علمهم ابوي اننا نبي بنتهم المصونـه على سنة الله ورسوله

الزبده
حاولت اقردن أبو البنت اني اشوفها .. بس رفض بشكل قاطع .. طبعا على كلام
امي انها دبدوبه شوي يعني وكذا .. ماعندي مشكله انا ..

كانت الدريشه مفتوحه وتطل على الحوش والبنت اسمها " رحمه " .. وكانوا البزارين يلعبون بالحوش

وكنت مسرّح وشلون شكل زوجتي المستقبليه .. ياربيييه تخيل ياعبادي تطلع تشبه انجلينا جولي ؟ ..

عبادي : تخيل لو تطلع تشبه أوبرا هـاهـاهـا ..


وقصم
وانا شارد في التفكير قطع حبل افكاري البزران مع الدريشه يوم يلعبون وشوي
وينتفضون ويهجون ويصايحون يقولون :رحمه جات انحااااشووو ..

وفيه ورع من الرخامه ماقدر يتحرك .. انا قعدت اطالع قلت ياولد فرصه اشوفها ..
ويطلع عليهم كائن غريب !!!! . ويروح يلقط البزارين واحد واحد وهم يتصايحون ويقعد يصفقهم تصفيييق ..

كان
من ضمن البزارين أخوي الصغير .. يوم شفتها ماسكه اخوي وانا انقز مع
الدريشـه وأفك شماغي وأخليه ملفلف .. وأقعد اهز الشماغ ابي اجذبها صوبي ..
والتفت للدريشه وألقى ابوي وأبو البنت واخوانها يقولون لي .. انحححشششش
..!



ويوم التفت لها الا وهي تركض وتنقز فووق وتلقطني وتطرحني من الدريشه ..
واطيح
على جمس ابوها .. وأقعد فوقه ارتعش .. وهي تحاول تتسلق الجمس وتتزحلق ..
ويجي ابوها ومعه عياله ويمسكونها ويربطونها .. وأنزل واروح اضم ابوي


رجعت
للبيت وانا اصايح وأقول وش ذا يايمه ؟ .. تحبيني انتي ولا لا ؟ .. تبين
تنسفين مستقبلي انتي .. بتزوجيني وحده مهجّنـه مع سلالة غوريلا ؟ ..

قالت : اسكت بس انت اللي رخمه و ماااش كان وريتها انك قوي وصفقتها على وجهها عشان تحبك
المهم ياوليدي.. الاسبوع الجاي بنروح لبيت معيض نخطب بنتهم ..



/



الخطبه الثانيه:

والله وبذااك اليووم اخذت شماغي على كتفي وركبت السياره وانا في طريقي ادعي:
(اللهم ابعدني عن عيال معيض ولتصيبهم بالنعاس ويرقدوون الى حين خروجي من منزلهم يا أرحم الراحمين)


ووصلت لبيتهم وأنزل ازبط شماغي وأبوي واخوي دخلوا يسلمون .. وأنا ازبط شماغي على قزاز السياره ..

ويجي ورع معيض من وراي ويسحب شماغي بقووه وينحاااش .. وأنطلق وراه وأتزحلق في موية حقت المغسله .. الزبده اني صدتـه ..

رجعت بيتهم وحصلتهم يدوروني .. ماكلمت احد ابي امشي يومي وسلمت ودخلت وانا الهث ..

وانا
تقهوى ويمـر علي ورع دب معه مبخره من عيالهم ..ويجي عندي ويوم جيت أمسك
المبخره وهو ينطلها بحضنـي .. واقوم وانقز وانفض ثوبي الجديد مالبسته الا
اليوم .. ويدخل علي ورع ثاني معه جركل مويه .. ومن بعيييد يرشني بالمويه
.. ويغرق ملابسي .. ويجيني ابوهم ويقول : سلمات سلمات وش فيك تطامر ؟؟


وش فيني اطامر ؟؟ .. ياخي فاك علي هالورعان .. وانا قايلكم منيب جاي الا اذا راحوا عن البيت ..

..


/

والله واروح لبنك التسليف ويقولون القرض قيمتـه 30 الف اذا راتبك ماتحت الـ6 الاف واذا أعلى من 6 آلاف تاخذ 45 الف



/



يوم الزواج

بالظهر
جالس عند الحلاق وعبادي واقف ويقول مـن هنا .. ومن هنا .. ومن هنا ..
ومسترخي .. وبعدها وأمر على فلبيني راعي مساج ويقعد يطقطق جسمي .. ويمسك
وجهي ويطقّه .. أنا اول مرّه أشوف واحد يطق الساق ؟
<< مايفرّق بين الساق والركبه عشان لونهم سوى .. أبيض هع


ويمرخني يمرخني بالمراهم وبالكريمات ليم صرت اطلق من عبدالرب ادريس


وجاب
لي شي مدري شسمه المهم انها أكلات بحريه .. قعدت اهآآوع وانا آكلها ..
وعبادي الوصخ ماغير يجيب لي وشكلـه صايدهن بنفسه من الشاطي ..

جاي
على ددسن وفي الحوض وراعين الحاره كلّهم قرعان ومعهم أخوي الصغير لحمايتي
مـن مقالب بزارين معيض وأنزل في شموخ .. واسلم على الحاضرين ..

[center]بصرآحه مآسلمت عليهم كلهم بس سلمت على نصّهم ونقزت فوق الددسن وصحت (يرحم ابوكم لاحد يسعبل اذا جا يسلّم !! ) ..

قعدت على العشا .. وجنبي أبوي .. وعبادي بجلسه ثانيه وأسمعه يقول للشيبان ترى اسم أم المعرس (فلانـه) << قليل خاتمه ..

وأرفـع كمومي الين وصلت كتوفي وأخـم ظهـر الحاشي .. ويدقني ابوي بكوعه ويهمس لي (خفف خفف عشان لاتفشّلنا) مافهمت وش يبي !؟؟


صفطته
مدري وش يقصد وضربت في النعمه ألين انسدحت .. وينادوني عشان الزفه ..
واقوم والبس البشت وادخل بصالة النساء .. واطب عليهم قلت : الهيئـه
الهيـئه خخخخ ..


ويناظرون
فيني ؟ ويجلسوني على الكرسي جنب العروسه .. وانا ماني صوبها .. انا صوب
الملعونات اللي يرقصون قدامي .. واناظر بزوجتي وهي متغطيه وأقول والله لو
تطلع شينه غير أموت من القهر ..أبي أعرف بس ليه مايرقصون الا اذا جا
المعرس ؟ .. ودموعـي أربع أربع .. وش هالقهر .. وآنآدي أمي قلت شيليهم لآ
أهون وآكوش الليله ..


طلعت
بالعروسه خرج القصـر .. قلت .. ريحة العطر اللي مستخدمته موب غريب الا
وشرايك تكشفين بالسياره .. ابوك النشبه ماخلانـي اشوفك من قبل .. وتلقفني
من قفاي وتصفقني بـالدركسون والناس يطالعون السياره تضرب بوري والفلشر
شغال ؟
.. ولافكّتـني الا يوم سمعتني أبكي ..

وصلت للبيت وانا اناظرها وبيني وبينها متريـن وخايف لا تنطل علي بركبـه تصيبلي الحوض

دخلت وراحت قعدت على السرير .. وانزل البشت وارميـه وأدخل الحمام واشوف عضلاتـي عشان اهايط عليها ..

واطلع لها قلت تبين نسولف ولا نرقد .. ولا ردت ..

انا
: وش فيك ترى من يوم قابلتك ماتكلمتـي .. وأنقز عليها يقالي أمزح معها ..
يوم مديت يدي ابي اشيل غطاها الا تخنقني وانا اصيح وغرقاان بسعابيلي
ومازالت تخنق وفجأه




















صحيت من النووووووووم وامي ماسكتني مع حلقي تقووول قم لصلاة العصر يالتيس













* الفوائد من السالفه اللي فوق *

1/ مافيه طريقه لحفظ شبابنا وبناتنا من الضياع غيـر الزواج .

2/ كم
من رجل أصبح عزوبي الجنسيه .. وكم من فتاة تعنّست .. الامر أولا وأخيرا
يكون بغلاء المهووور وارتفاع الاسعار وعدم الرأفة بحال المقبل لحياة
الزوجيه .

3/ الامل موجود .. ونرتجي من له يد بأن يمد يد العون للبت بقضايا العنوسه والمطلقات والارامل .