الـكـويـت والـسـعـوديـه

السلام عليكم ورحمة الله وبركاته
صباحكم / مساااكم خير وسعاده

حبيت اكتب موضووع مهم واطرحه لكم للنقاش وهو السياحه في الكويت والسعوديه
لما احد يسألنا عن دول سياحية خليجيه ؟
شنو راح نقول ؟ شي طبيعي راح نقول الامارات ، قطر ، وعمان << علشان الطبيعه فيها والجو

في البداية بتكلم عن الكويت دولة حلوه وما فيها شي وكلنا نحبها،،لكن أمانه شوفوا الفرق بين السياحة بالكويت والسياحة في ماليزيا ؟!!
ادري ان مــا فيه وجه تشابه وشتان بينهما
لكن والله اني يوم رحت ماليزيا قلبي عورني قلت ليش الكويت مــا تكون نفسها ،، مــا شاء الله كل شي متوفر فيها طبيعه ومجمعات وحدايق والعاب وكل شي .


لكن المشكله بالكويت اذا بنتكلم عن السياحه فيها ؟ ويـــن السياحه ؟
شنقول ؟ نقول المدينة الترفيهية ؟ الأبراج ؟ حديقة الشعب ؟ المباركية ؟ والا المجمعات والسينمات اللـــي فيها ؟ مــا شاء الله ياكثر المجمعات عندنا ولا بعد وكبيره وكشخه << لكن مـو بس هذي السياحيه ليش مــا نطور من ديرتنا الكويت؟ ليش مــا نحسن من مستواها ؟ الحمدلله على كل حال انا مــا اقول ان الكويت فيها شي او ان مــا فيها سياح بالعشرموتفيها أجانب بــس قليل جدا وفيها عرب وفيها خليجين وخصوصاً الفتره اللـــي طافت وهي عطلة الصيف ما شاء الله الشوارع زحمة اكثر من الزحمة اللـــي كانت عليها .
الحمدلله كل شي متوفر عندنا بالكويت نقدر نطور منها ونرجع لها زمانها ،، والله شي يعور القلب لا قلنا الكويت ( كانت ) دانة الخليج ،،نبي نقول كانت وما زالت دانة الخليج ..


انزين واذا بتكلم عن السعوديه حـبـيـبـتـنا وديرتنا الثانيه الحمدلله كل شي متوفر فيها
وانا توني راده منها بالرمضان وشايفه وما هي اول مرة اجي السعودية هذي اكثر 10 مرة اجيها ،، ويـــن السياحة فيها ؟ مــا شاء الله عندكم ابها والشفا والهدا << يــا زين القعدات هناگ والجو الحلووو ،، انا مـو اول مره اروح ابها لكن اول مرة اروووح الشفا والهدا وحيل حبيت الشفا وأعجبتني القعدة فيها ويمكن في مناطق عندكم بالسعودية حلوه مــا شفتها للحين طبعاً غير الرياض والمناطق الشرقية << لكن انا اتكلم عن الجو

انزين راح تقولون والمطلوب ؟
المطلوب يــا طويلين العمر ان احنا نساعد في تطور بلدنا ورقيه بأسلوبنا وتعاملنا مع السيّاح وان نحافظ على النظافه فيها والممتلكات العامه

على طاري الممتلكات العامه تدرون شنو تذكرت ؟ تذكرت الكتابه ع الطوّف ( الجدران ) والمجمعات والمطاعم كلش ولا المحولات عندنا بالكويت والسعوديه ابووو عذاب و احبگ وما ادري ايش ههههههـ والله مــا ادري اضحگ والا ابكي ؟!

:: واعذروني ع الاطاله ::
عــــاد على هالتعب واصابعي تمتناكرت وراحت فيها ان شاء الله تردون ،، ابي منكم بــس ردووود حلوه و النقاش السنع ^_^